(s.f.) volpe (Vulpes vulpes)
L’ èicourbàs è lou rèinô ( favola di Esopo )
In èicourbàs ou l’avèt trouvâ sû l’ arlélìn de la fénetra in bèl tòc de toumò : iéře fran soun plèizî è ou l’ot voulâ sû la brèintsa de ina plànta per matsèselò tranquile . E avèita din sa moumeùn , pasàve d’itié in rèinoû que a la prémiéřa utsàda ou l’ot vî sa bèla toumò dzaouna . Subit ou l’ot souèidza couman rapièselò . ” Pouiê sû la plànta peuio pâ” ou l’ot dézuse lou rèinoû , ”aquèi ou vouléřit viò tòt din côl è me ièi pâ les aleus ….. isè fôt djouê d’astusia ”. Que bèleus plumeùs nèiřeus que t’iaveùs ! ou lot bralhâ fôrt per faře seuntrésé da l’èicourbàs ; ”se ta vouèe lh’et bèla quéme te ploumeùs , daboun te suveus lou rei de li èizouèl ! Fa seuntrémelò per plèizî , te préio ! Sa blageur de l’èicourbàs an sèntàn gabèse ou lot pâ rézistû a la veulha de faře seuntre soun brùt cra , cra , ma apèina ou lot èivèert lou piouc lou toc de toumò ou lot tsèt è lou rèinoû ou lèt itâ bèin lèst a grimpèlo e a lhoupê , andjouèintàn : ”Se atrê moun bèl èicourbàs , t’aiisa asé lou sèrvél te manquéřite pareun d’aoutro pèr venî rei ”. Mourâl : qui se geuste lhi èlodzo de l’aoutris tròt gabèiře , ou livre de pèntiséneun è vèrgounhèse .